Drinks

സള്ളേ ഈ കട്ട പൊരി വെയിലത്തു ഒന്നാംതരം കരിമ്പ് ജ്യൂസ്.... അതും നാരങ്ങ , ഇഞ്ചി, പച്ചമുളക്, പുതിനയില യൊക്കെ ചേർത്ത് ഒരു ഒന്നുഒന്നര ഗ്ലാസ് 20 രൂപയ്ക്കു. പിന്നെ എന്തരു വേണം.... 9 വർഷമായി ഷാജി ഇവിടെയുണ്ട്, പോങ്ങുമൂടുള്ള ഫെഡറൽ ബാങ്കിന്റെ ഓപ്പോസിറ്റായി.

ദാഹത്തിനൊരു ചോക്ലേറ്റ് ഷാർജ ഷേക്ക് കുടിച്ചാൽ എങ്ങനെയിരിക്കും. അതും നല്ല ക്വാളിറ്റിയുള്ളതു... ₹ 45 പൊളിച്ചു ...പൊളിച്ചു ...പൊളിച്ചടുക്കി.... Dawath HotNCool ചാല നിസാറിൽ നിന്ന് മട്ടൺ ബിരിയാണി കഴിച്ചുള്ള വരവായിരുന്നു. ദഹിക്കാൻ വേണ്ടി ഷാർജ കുടിച്ചതാ... കടിപിടികൾ ധാരാളം കണ്ടു. അത് പിന്നൊരിക്കൽ ആവട്ടെ. Location:ചാലയിൽ ശ്രീ പത്മനാഭ തിയേറ്ററിന്റെ പുറകിലായി വരും. Note: ഈ ചോക്ലേറ്റ് ഷേക്കിനു മട്ടനുമായി ചെറിയൊരു ബന്ധമുണ്ട്...നിസാർ ഹോട്ടലിന്റെ ഉടയോൻ സമീറിന്റെ ഉടമസ്ഥതയിൽ ഉള്ളത്.

ഈ ചൂടത്തൊരു കരിക്കിൻ ഷേക്ക് ആയാലോ അതും ബുഹാരി സ്പെഷ്യൽ കരിക്കിൻ ഇതിഹാസത്തിൽ നിന്ന്. Location: അട്ടക്കുളങ്ങര ബുഹാരി ഹോട്ടലിനടുത്ത്. തിരക്കായത് കൊണ്ട് ബുഹാരി ഹോട്ടലിനകത്ത് കേറി ഇരുന്ന് കഴിച്ചോളാൻ പറഞ്ഞു. വില ഒരെണ്ണം ₹ 40 കരിക്കിൻ ഷേക്ക് - കിടിലോസ്കി. Google Map: https://goo.gl/maps/AM7XMZbcJGzT4LGN9

ആറ് ആൽമരങ്ങൾ സ്ഥിതി ചെയ്‌തിരുന്ന സ്ഥലം. അവയുടെ തണലിൽ മുൻപ് കച്ചവടക്കാർ സൊറ പറച്ചിലും അവരുടെ കാളകളുമായി തമ്പടിച്ചിരുന്നു. തമിഴ് നാട്ടിൽ നിന്ന് തിരുവനന്തപുരം പോകുന്ന വഴി വ്യാപാരികൾക്കുള്ള വിശ്രമ സ്ഥലമായിരുന്നു അവിടെ. പിന്നെ സ്വദേശിയർ തന്നെ ആ സ്ഥലം അവരുടെ തന്നെ ഒരു വ്യാപാര കേന്ദ്രമാക്കി മാറ്റുകയായിരുന്നു. ആറ് ആലിൻമൂട് കാലാന്തരേണ ആറാലുംമൂട് ചന്തയായി മാറി. എത്ര മാളുകൾ, വ്യാപാര സമുച്ചയങ്ങൾ വന്നാലും പ്രകൃതിയോട് ഇണങ്ങി നിൽക്കുന്ന ഇത്തരം ചന്തകൾ സമൂഹത്തിനു ഒരു മുതൽക്കൂട്ടാണ്. നെയ്യാറ്റിൻകരയ്ക്ക് ആറാലുംമൂട് ചന്ത എന്നാൽ അവരുടെ...

39 പശുക്കളുള്ള ഒരു വീട് ...അത് അവിടെ നിൽക്കട്ടെ...എന്താണ് ഈ ലസ്സി ? പഞ്ചാബിന്റെ സ്വന്തം പാനീയം എന്നാണ് ലസ്സി അറിയപ്പെടുന്നത്. ഏറെ പുളിപ്പ് ഇല്ലാത്ത തൈരിൽ പഞ്ചസാര അടിച്ചു ചേർത്തെടുക്കുന്നതാണ് സംഭവം. ഉപ്പു വേണമെങ്കിൽ ചേർക്കാം. വൈറ്റമിൻ A, E, C, B1, B12 അത് പോലെ കാർബോഹൈഡ്രേറ്റ്, കാൽസ്യം തുടങ്ങിയ പലതും അടങ്ങിയിട്ടുള്ള ലസ്സി ദഹനത്തിന് ഉത്തമമാണ് ...പിന്നെയും ഉണ്ട് ഗുണങ്ങൾ അനവധി .സമയം കിട്ടുമ്പോൾ എന്നെ പോലെ നിങ്ങൾക്കും വേണമെങ്കിൽ ഗൂഗിൾ നോക്കാം. മണക്കാട് വഴി പോയെപ്പോൾ കേറിയതാണ് ഈ...

ഇടവാക്കായലിൻ അയൽക്കാരീഅറബിക്കടലിൻ കളിത്തോഴീ ശ്രീ പൂവച്ചൽ ഖാദർ എഴുതി ശ്രീ രവീന്ദ്രൻ സംഗീതം നൽകി ദാസേട്ടൻ അനശ്വരമാക്കിയ വരികൾ. ഇടവ എന്ന പ്രദേശത്തെപ്പറ്റി ഞാൻ ആദ്യമായി കേൾക്കുന്നത് ഈ പാട്ടിൽ നിന്നാണ്. തിരുവനന്തപുരത്തെ പഴയ ചിറയിൻകീഴ് താലൂക്കിലെ (ഇപ്പോൾ വർക്കല താലൂക്ക്) വർക്കല ബ്ലോക്ക് പഞ്ചായത്തിന്റെ ഭാഗവുമായ ഒരു കൊച്ചു ഗ്രാമം. തിരുവനന്തപുരം കൊല്ലം ജില്ലകളുടെ അതിർത്തിയാണ് ഇടവ. തിരുവതാംകൂർ ചരിത്രത്തിലോട്ടു കണ്ണോടിച്ചാൽ ഉമയമ്മ മഹാറാണിയുമായി ബന്ധപ്പെട്ടു നാട് കടത്താൻ "ഇടവ കടത്തുക" എന്നൊരു പ്രയോഗം തന്നെ ഉണ്ടായിരുന്നു. EMS മന്ത്രി സഭയിലെ ആദ്യത്തെ പൊതുമരാമത്തു...

Hotel AlJaseer | VarkalaPhone-04702600447,9447309074 യാത്രകൾ എന്നും പ്രിയപ്പെട്ടതാണ്.പ്രത്യേകിച്ചും അടുത്ത സുഹൃത്തക്കളോടു ഒപ്പമുള്ള യാത്ര. ഒരു വിധത്തിൽ നോക്കിയാൽ നമ്മൾ എല്ലാവരും ഈ ജീവിത പന്ഥാവിലൂടെയുള്ള ഒരു യാത്രയിൽ ആണെല്ലോ, എവിടെന്നോ വന്നുവെന്നോ എങ്ങോട്ടോ പോകുന്നുവെന്നോ അറിയാത്ത ഒരു യാത്ര. "ഭക്ഷണ" യാത്രകൾ കൂടുതൽ ആസ്വാദ്യകരമാണ്. ഭക്ഷണത്തോടൊപ്പം തന്നെ ഭക്ഷണത്തിൽ കൂടെ പരിചയപ്പെടുന്ന സുഹൃത്തക്കളും ഹൃദയത്തിൽ അങ്ങനെ നിറഞ്ഞു നിൽക്കും. ഇടവയിൽ പോയി തിരിച്ചു വരുന്നു വഴി വർക്കലയെ പറ്റിയുള്ള കുറേ ചിത്രങ്ങൾ ഇങ്ങനെ കടന്നു പോയി. ഉദയ മാർത്താണ്ഡപുരം എന്ന് മുൻപ് അറിയപ്പെട്ടിരുന്ന വർക്കല എന്ന...

ഈ ഭക്ഷണയിടം ഇപ്പോൾ നിലവിൽ ഇല്ല. ഉത്തരേന്ത്യൻ ശുദ്ധ വെജിറ്റേറിയൻ ഒരു ഹോട്ടൽ, കോട്ടയ്ക്കകത്ത്, Josco Jewellery എത്തുന്നതിന് തൊട്ട് മുമ്പ്. ചെറിയ ഒരു ഹോട്ടൽ, 22 പേർക്ക് ഇരിക്കാം. ആദ്യം കൊണ്ട് വന്ന സാലഡ് ശരിക്കും പൊളിച്ചു. വളരെ ഇഷ്ടപ്പെട്ടു. സവാളയും തക്കാളിയും കാരറ്റും മുളകും ചേർത്ത സാലഡ്. ആ നാരങ്ങ ഒഴിച്ച് മുളകും എല്ലാം കൂടി ചേർത്തങ്ങ് തട്ടണം. ആ എരിവും കൂടി ചേരുമ്പോൾ വിശപ്പിന്റെ അലാറം മുഴങ്ങി തുടങ്ങും. Fulka Roty - എണ്ണയൊന്നും ചേർക്കാതെ കനലിൽ മൊരിച്ചെടുക്കുന്ന ചപ്പാത്തി.(പടം ഇട്ടിട്ടുണ്ട്) Gobi Paratha...

മൂത്ത മകൾ മാളവികയ്ക്ക് പേയാട് ശ്രീ എം.ജി ശ്രീകുമാറിന്റെ സ്ഥാപനമായ സരിഗമ യുടെ ആഭിമുഖ്യത്തിൽ മലയം ശ്രീ ശിവ ക്ഷേത്രത്തിൽ കൂടെയുള്ള കുട്ടികളോടൊപ്പം കുറച്ച് പാട്ടുകളുള്ള ഒരു പരിപാടി. അതിന്റെ ഭാഗമായി കുടംബമായി മലയം എത്തിയതാണ്. സ്റ്റേജിൽ മകളുടെ പ്രോഗ്രാം തുടങ്ങിയിട്ടില്ല. അവിടെ വില്പ്പാട്ട് നടന്ന് കൊണ്ടിരിക്കുന്നു. ഇളയ മകൾ നിരജ്ഞന വന്ന് കാതിൽ അടക്കം പറഞ്ഞു. അച്ഛാ വിശക്കുന്നു. അവളെയും കൊണ്ട് പുറത്തിറങ്ങി. നോക്കിയപ്പോൾ പുറമേ കണ്ടാൽ ചായക്കട പോലെ തോന്നുന്ന ഒരു കട. കടിയല്ലാതെ കഴിക്കാൻ കാണുമോ, കേറി നോക്കാം. സംഭവം വിചാരിച്ച...

നമ്മുടെ പപ്പനാവന്റെ മണ്ണിലെ അഹങ്കാരം. പൊളിച്ചടുക്കി തകർത്തു. ഇത് പോലൊരു ചിക്കൻ ഫ്രൈ ഒരിടത്തും ഇല്ല. 2 വീതം പ്രാവശ്യം ഞാനും ഭാര്യയും വാങ്ങിച്ച് തട്ടി. വില 650/- ആ പൊരിയൊക്കെ അന്യായം, ഒന്നും പറയണ്ട. കൂടെ unlimited നാരങ്ങ വെള്ളവും. ചാല റഹ്മാനിയ കേത്തൽസിനെ കുറിച്ചുള്ള മറ്റു പോസ്റ്റുകൾ: https://mytravelmytaste.com/2021/11/21/chalai-kethels-hotel-rahmania/ https://mytravelmytaste.com/2018/11/05/kethels/